SUBLI nga gipahinumdoman sa lokal nga kagamhanan ang publiko sa mga guidelines karong Kalag-Kalag 2023.
Labi na sa mga dili angayang himoon sulod sa mga sementeryo dinhi sa syudad, sama na lamang sa pagsuot og jackets, pagdala og backpacks, pagpatugtog og kusog nga sonata o karaoke, sugal, pag inom og ilimnong makahubog, ug gidili sab ang mahait nga mga butang sulod sa menteryo.
Subli sab nga giklaro nga bawal ang mag-overnight ug pagdala og mga alagang hayop sulod sa sementeryo.
Gibawal sab ang drones, mga armas gawas na lamang kung dunay COMELEC exemptions.
Gidili sab ang mga pagpasulod sa mga ‘palaboy’ ug scavengers sa sementeryo.
Samtang, kinahanglan nga bantayan ang mga butang og dili biyaan bisan asa aron nga dili kini ipailalom sa security procedures.
Magsugod alas- 6:00 sa buntag ang pagdu-aw sa sementeryo hangtod alas-10:00 sa gabii apan dunay cutoff of entry alas- 9:00 sa gabii.
Ipatuman sab alang sa mga pedestrians ang “ONE ENTRANCE POLICY” apan sa mga sakyanan mutuman sa “ONE ENTRANCE, ONE EXIT POLICY.”
Kinahanglan nga i-apply ang “CLEAN AS YOU GO.” o “BASURA KO, LINIS KO.”
Mutamod sa traffic rules, routes, designated parking areas, ug vehicle prohibitions subay sa Traffic Management Plan sa City Transport and Traffic Management Office (CTTMO).
Girekomenda sab ang pagsuot og facemask labi na sa mga edaran, indibidwal nga dunay co-morbidities, immune-compromised, buntis, walay mga bakuna ug symptomatic.
Samtang, duna say imuntar nga Medical tents sa mga entrance sa tanang sementeryo aron nga maoy murespondi panahon nga dunay medical emergencies.
Ang mga pampublikong sementeryo ilalom sa City Economic Enterprises (CEE) dili mag-iskedyul og bisan unsang lubong, interment, o cremation gikan Oktubre 30 hangtod Nobyembre 3 ning tuiga, gawas sa mga kaso sa hinanaling paglubong.
Aron nga walay mga kakuliam, kinahanglan nga sundon ang tanang security instructions, rules, ug procedures nga gipahamtang sa Safety and Security Cluster sa syudad sa Davao.