Sunud-sunod na pagsasailalim sa Luzon Grid sa yellow alert, asahan na – DOE

Inaasahang ilalagay sa yellow alert level status ng labindalawang beses ang Luzon Grid simula Marso kung tataas ang demand sa kuryente.

Ayon kay Department of Energy Undersecretary Rowena Cristina Guevarra, kahit hindi nakikita ng ahensya na malalagay sa red alert status ang Luzon ngayong taon, inaasahang labindalawang beses itong sasailalim sa yellow alert status.

Ang naturang status ay inaasahang maipatutupad sa ika-11 linggo ng taon sa Marso, weeks 13 at 17 sa Abril, lahat ng linggo ng Mayo, weeks 22 at 23 sa Hunyo, 35 sa September, week 42 sa October, at week 47 sa November.

Dagdag ni Guevarra, wala sanang maitala ang bansa na biglaang outage dahil kung mangyayari ito, magkakaroon ng red alert.

Humiling naman ang undersecretary na ngayong taon ay makahahabol na ang bansa sa construction ng mga renewable energy.
#

Leave a Reply

Your email address will not be published. Required fields are marked *