DILI angayan nga sayangon ang panahon ug pagsalig nga gihatag sa katawhan alang sa tulo ka tuig nga pagpanirbisyo.
Kini ang usa sa unod sa nahimong pagpamulong ni Mayor Lorelie Paquiao isip guest speaker sa gipahigayon nga inaugural session sa 20th Council sa Sanguniang Panlungsod sa Gensan.
Atol sa maong pagpamulong mapainubsanon nga nagahangyo ang mayor sa mga miyembro sa SP nga siya ang nagakinahanglan sa ilang suporta.
Segon sa Mayora nga sa ingon mahimong paspas ang pagpadagan sa mga programa sa gobyerno maong gikinahanglan ang panaghiusa alang sa insaktong tumong.
Dugang pa sa mayor sa paghangyo ang pagtinabangay alang sa hapsay, malinawon, ug malipayon alang sa mas-kusog nga General Santos.
Samtang giangkon usab sa mayor nga ang pagdumala sa syudad ang dili tiaw-tiaw ug dakong hagit dili lang nga alang kaniya nga mayor apan kanila nga mga anaa sa gobyerno. I Danny Casi