GIPANGALANAN na sa mga otoridad ang suspek sa pagpamusil patay kang Brigada Executive Office Director Chief of Staff Yentez Quintoy.
Sa press briefing kagahapon sa hapon, giila ni Police Capt. Abdulsalam Mamalinta, labaw sa San Isidro PNP ang suspek na si Ralph Gerald Sorabia alyas ‘Raprap’, 27-anyos, admin officer sa Global Dynamic Star Security Agency.
Segun sa kapulisan nga personal grudge ang motibo sa krimen. Nasayran nga mag-unom na ka tuig nga gatrabaho sa Brigada si Raprap asa mag-usa pa siya ka tuig sa security agency sa kompanya.
Matud pa nga tanggalon pa kini sa trabaho ug si Maam Yentez ang gusto nga matangtang kini sa trabaho, tungod sa ilang bangi nga personal.
Segun pa ni Mamalinta nga adunay alibi ang suspek sa krimen apan adunay testigo nga nakaktia nga si Raprap matud pa ang anaa sa likod sa pagpamusil sa Brigada executive.
Nagtuo ang kapulisan nga lig-on ang ebidensya batok sa suspek ug suportado kini sa mga affidavit ug mga miaging insidente nga nag-corroborate sa nakita sa testigo. Mapasalamaton usab si Idol Brigada Elmer Catulpos sa kapulisan sa pagpas nga pagdakop sa suspek.Sa bahin sa P1 million reward money, gibutyag ni Catulpos nga dili interesado ang testigo tungod gusto lang niya ang proteksyon sa iyang pamilya ug makatabang sa pagsulbad sa krimen.