KALIBO, AKLAN—Ginbawi eon it Department of Environment and Natural Resources (DENR) do suspensyon it disposisyon it alienable and disposable public agricultutal lands sa isla it Boracay.
Sa ginpaguwa nga memorandum ni DENR Secretary Roy Cimatu ku Hunyo 15, 2021, ginmanduan kara do Regional Executive Director ng DENR-VI nga ipadayon do pagtao it survey authority, pag-apruba sa mga survey plans, pagbaton ag pagproseso it PLAs, ag pagtao it patents sa mga alienable and disposable lands sa Boracay sandig sa mga sueondanan, regulasyon ag laye nga nagaeksister.
Do nasambit nga tikang hay kaibahan sigon sa mandato it departamento nga makaangkon it patas nga kinamatarong sa pag-angkon it eogta, suportahan do “sustainable development” it nasyon ag taw-an it daean do pagtao it eogta sa mga kwalipikadong benepisyaryo.
May kaangtanan kara, ginapawalang-bisa it nasambit nga memorandum do ginpaguwa nga memorandum ku Marso 23, 2011 nga pirmado ni anay Environment Secretary Ramon Paje. // SHERRY ANNE REUNIR-VIDAL