Inarado it kotse ru SUV at 3 tricycle sa Jayme Cardinal Sin, Kalibo, Aklan alas 7:20 kainat agahon.
Sa initial nga imbistigasyon it BRIGADA News FM Kalibo, unang inardo it kotse ru naga byahe nga tricycle nga gina maneho ni certain Midel, sa legal nga edad.
Bumaliskad ru tricycle sa kilid it karsadahon nga naga byahe it Brgy. New Buswang, Kalibo rason nga nag-oy-oy ru driver matapos maka angkon it lastro sa parte kaeawasan.
Binangga man it naka kasidenting kotse ru pangaywang tricycle nga naka park sa drainage it karsadahon.
Eaging gin respondihan it Bureau of Fire protection (BFP)-Kalibo para daehon ru driver it tricycle sa maeapit nga hospital.
Pangatlong binanggaan it kotse ru naka park nga SUV rason nga nawasak ru likod nga parte.
Binangga man ru top down nga naka park maeapit sa SUV rason nga ikara eon pumondo ru kotse sa kilid it karsadahon.
Eagi man nga gin daea sa hospital ru driver it naka bangga nga kotse ag nasayuran nga sa idaeom it maka hi-ielong nga ilimon.
Samtang, padayon pa makaron ru tul-id nga imbistigasyon it Kalibo MPS angot sa aksidente.