Temporaryo unang iindorso sa Crocodile Park ug Magsaysay swabbing center ang mga indibidwal nga gimanduang mopailawm sa swab test.
Kini human sa pagpositibo sa walo ka swabbers hinungdan nga gisirado og usa ka semana ang Sta. Ana Health Center nga naga-cater og First generation contacts ug kadyong dunay Influenza-like illnesses.
Sigon kang Dr. Ashely Lopez, aron maprotektahan ang pwersa sa swabbing center gihunong una og usa ka semana ang operasyon sa Sta. Ana swabbing center aron ipailawum sa disinfection ang pasilidad samtang naka-quarantine ang ubang personahe nga gikonsiderang mga F1 contacts.
Ang walo ka swabber sa main swabbing center sa syudad ang kasamtangan na nga gi-isolate ga hnang gikabalak-an sa opisyal nga mas daghan pa unta matakdan kung wala dayon nadetek sa gihimong routine test.
Sa karon padayon ang pag-cater sa drive-thru swabbing area sa Davao Crocodile Park alangsa surveillance testing, second-generation ug third generation nga walay influenza-like illness (ILIs), samtang angMagsaysay Park ang nagaatiman sa mga F2 ug F3 contacts, lakip kadtong gitumbok sa Safe Davao QR (DQR) system. BNFM-DAVAO
