MIANI og reaksyon ang pagkakuha sa GenSan police og taas nga ‘public trust’ rating nga naa sa 87%, base sa pagtuon sa Mindanao Development Authority (MinDA), kini base sa bag-ong giagula nga “Mindanao trust, respect, safety and satisfaction survey alang sa ikaduhang kwarter.
Pipila sa mga residente sa gensan ang nagtuo nga luwas ug dako sila og salig sa kapulisan sa pagpasiguro sa kaluwasan sa tibuok siyudad. Sa bahin sa traysikel drayber nga si Cenon Cagampang, taga barangay Lagao, alang kaniya nga walay sala ug nangabuhi lang luwas ang siyudad.
Wala usab gibati ni Daniel Soria nga luwas ang GenSan tungod sa natala nga insidente sa pagpatay sa siyudad. Sa datus sa MinDA, migula nga naa sa 79% level sa safety sa GenSan; 88% ang respect; 87% ang trust samtang 84 percent sa satisfaction.
Sa pamahayag ni Adrian Tamayo, public relations chief ug focal person MinDA naa sa 1,200 ang respondents gikan sa gensan sa survey nga gihimo atong ikatulong semana sa Hunyo. Ang datus ang una nang gipresenta ni tamayo atol sa pagbisita ni Chief PNP Police Gen. Benjamin Acorda Jr., sa Police Regional Office (PRO) 12 GenSan atong Biyernes. I Richel Gubalani