Nakadawat og award ang usa ka Tagumenyo nga nahimong Top Notcher sa gipahigayong Licensure Examination for Social Workers kaniadtong nakalabayng Setyembre 18-20, ning kasamtangang tuig.
Ang maong Tagumenyo naila nga si Nico Jan Bautista, lumulupyo sa Brgy. Visayan Village, Tagum City, migradawar sa University of Mindanao sa Davao City ug nakab-ot niini ang slot nga Top 10, lakip ang rating nga 85.20%.
Isip pasidungog sa iyang kalampusan, gigantihan si Nico og cash incentive nga balor PHP 10,000 sa LGU Tagum, pinaagi sa pagpasilidad sa City Public Education and Employment Services Office (PEESO) Tagum.
Kahibaloang nauna na usab nga nakadawat si Nico og pahalipay gikan sa mismong eskwelahan niini sa University of Mindanao sa dakbayan sa Davao.