CAMARINES SUR- Isa sa mga magiging abala rin ngayong semana santa ang kooperatiba ng Camarines Sur II Electric Cooperative (CASURECO 2) na maglalatag ng task force bantay kuryente upang matiyak ang maayos na daloy ng kuryente sa nasabing pagdiriwang.
Sinabi sa Brigada News FM Naga ni Rinner Bucay, tagapagsalita ng CASURECO 2 na kahit na nga konsideradong walang pasok ang araw ng huwebes santo hanggang sa linggo ng pagkabuhay, mananatiling nakastand by ang kanilang opisina sa mga posibleng unscheduled power interruption dala ng mga hindi inaasahang pangyayari.
Samantala, wala namang dapat ikabahala ang mga member-consumer ng kooperatiba dahil may sapat pa naman silang supply ng kuryente at mas bababa pa ang presyo ng taripa nito ngayong buwan ng Marso.