Dakop sa akto ang tatlo ka persona nga nagapauwak sang manok sa Brgy. Acuña, Tapaz, Capiz takna alas 11:20 kaina sang udto, Disyembre 17.
Ginkilala ang mga nagkaladakpan nga sanday Alyas Nonoy, 41-anyos; Alyas Toto, 31-anyos lunsay mga residente sang nasambit nga lugar kag Alyas Bobet, 52-anyos, residente naman sang Brgy. Garangan, Calinog, Iloilo.
Narekober sa ila paghinakop kag kontrol ang anom ka buhi nga manok nga pambulang, P800 nga bet money kag duha ka bilog nga bulang ukon Gaff.
Sa karon, nagapabilin ang mga ini sa Tapaz PNP kag natalana nga pasakaan sang nagakaigo nga panumbungon. | Judy Ann Juare