Suno sa pagtuon it Rotterdam, ro Iloilo river ag Jalaur River sa probinsya it Iloilo ag ro Hamulauon River sa Capiz hay kaeakip sa mga suba it Pilipinas nga mabahoe ro ambag sa plastic pollution.
Ro Ocean Cleanup hay sangka nonprofit engineering environmental organization nga naga debelop it makabag-ong teknolohiya para mabuoe ro mga plastic sa kaeawran.
Nagapatigayun man raya it siyentipikong pagtuon angot sa plastic pollution.
Sa sang bag-ong pagtuon ku Abril, ginbulgar nga 28% it mga suba sa Pilipinas ro responsable sa ocean plastic pollution.
Ro Iloilo river nga sangka estero sa syudad hay sangka atraksyon bangud sa esplanade nga gintukod sa mga kilid kara.
Masobra sang dekada eon ro nakataliwan, nagpaandam ro Department of Environment and Natural Resources (DENR) nga ro Iloilo River hay amat-amat eon nga nagakamatay bangud sa polusyon.
Dag-on 2010 nahimo ro Iloilo River Development Council ag gin umpisahan ro rehabilitasyon it suba. / ANN DESLENE SALAZAR