Nakatakdang bigyan ng pagkilala ng Philippine Military Academy (PMA) si PNP Chief Gen. Benjamin Acorda Jr. bukas.
Ito’y sa pamamagitan ng pagdaraos ng isang testimonial parade and review sa PMA sa Baguio City.
Gagawin ang testimonial parade wala ng isang buwan bago magretiro si Acorda.
Inaasahang magbibigay ng mensahe ang PNP Chief kung saan hihikayatin niya ang mga kadete na ipagpatuloy ang pagtataguyod sa kahalagahan ng katapangan, integridad, at katapatan, na siyang tunay na tanda ng kanilang Alma Mater.
Mamaya ay may testimonial dinner si Acorda kasama ang matataas na opisyal ng PNP
Si Acorda ay miyembro ng PMA Sambisig Class of 1991.
Itinalaga siya bilang ika-29 na PNP Chief ng bansa.