MIUBOS ang testing capacity sa dakbayan sa GenSan dungan sa padayong kakulangon sa test kits. Matud ni Dr. Ryan Aplicador, Chief of Hospital sa Dr. Jorge P. Royeca Hospital (DJPRH) gilaoman nila ang pag-abot sa test kit.
Human giaprubahan sumala pa ang Supplemental Budget (SB) no.3 asa dagkong bahin sa budget ang naadto sa Covid-19 response. Usa pa sa rason sa paghinay sa testing capacity, mao ang pagkapositibo sa Covid-19 sa duha ka medtech sa molecular laboratory.
Inay nga 24 oras ang pagpahigayon sa testing nawala ang night shift nga rason sa pag-ubos sa kapasidad gikan sa 190-200 testing per day naa na lang kini karon sa 92-96.
Gihingusgan ni Dr. Aplicador, dili dali nga maka-hire og medtech nga mohulip dayon tungod ang mohulip kinahanglan pa og dugang training. Sa karon, naglaom ang nasangpit nga human sa kwarantinas sa mga medtech ug pag-abot sa supply sa test kits mobalik na ang taas nga testing capacity sa ospital. ( Richel Gubalani)