Naaresto ro wanted person para sa kasong Acts of Lasciviousness ag Rape ku hapon it Abril 1, 2024, sa Barangay Tul-ang, Ibajay, Aklan.
Inaresto raya it gintingob nga pwersa it Murcia Municipal Police Station (Lead Unit) sa probinsya it Negros Occidental, 1st NOCPMFC, PIT, Negros, RIU6, Ibajay MPS, ag Dingle MPS.
Ro suspek nga si Alias “Boni,” 38 anyos, ag sangka driver, hay Top 2 Most Wanted Person sa rehiyon.
Inaresto imaw sa bisa it Warrant of Arrest nga gin isyu ni Hon. Karen Joy Tan Gaston, Presiding Judge, RTC, 6th Judicial Region, Branch 43, Bacolod City, Negros Occidental, nga may petsang March 21, 2024, ag may piyansang P180,000 para sa 3 counts of ACTS of LASCIVIOUSNESS ag 13 counts of RAPE nga no bail recommended.
Sa makarun hay sa kustodiya eon raya it Murcia Municipal Police Station para sa booking procedures bago isaylo sa korteng natungdan. // ANN DESLENE SALAZAR