Arestado ang ginakabig top 7 most wanted person (municipal level) matapos ginserbihan sang warrant of arrest sa Barangay Calapawan, Dumarao, Capiz.
Ginkilala ang akusado kay Ricky Hallaris nga nagapangatubang sang kaso nga Homicide.
Natigayon nga maaresto si Hallaris, alas 2:00 sang Agosto 8, 2023 sa gahum sang warrant of arrest pinaagi sa gintingub nga pwesa sang Dumarao PNP,E Roxas City PNP, 2nd CPMFC, Provincial Intelligence Unit, kag Provincial Investigation and Detection Management Unit.
Samtang ginaserbe ang mandamiento de aresto, nakuha sa iya posisyon ang isa ka unit sang caliber .22 revolver nga may lima ka bala.
Ginrekomendar sang korte ang piyansa nga P120, 000 para sa temporary nga kahilwayan sang suspetsado.
Sa karon, nagapabilin si Hallaris sa kostudiya sang Dumarao MPS para sa nagakaigo nga disposisyon kag natalana naman nga pasakaan sang kaso nga RA 10591 ukon Comprehensive Firearms and Ammunition Regulation Act. | KMD Gicalde