MALAY, AKLAN—Umabot eamang sa masobra 1,400 do tourist arrival sa isla it Boracay sa bilog nga buean it Abril.
Base sa datos it Malay Tourism Office, umpisa Abril 1-30,2021, nakalista it 1,481 do mga nagbakasyon sa isla kung siin dinomena raya it mga taga-Western Visayas ang umabot sa 1,328, 81 do taga-Central Visayas, Bicol Region (32), NCR (21) ag do tig- pito hay halin man sa CALABARZON ag Northern Mindanao.
Kaeabanan man sa mga nagbakasyon sa Boracay hay mga babaye nga nagaabot sa 775 ag naga-edad it 22-59 years old.
Samtang, sambilog sa mga ginatan-aw nga rasun kung ham-an nagnaba do mga turistang nagbisita sa Boracay hay bangud sa pagpaidaeom sa mas hugot nga community status sa NCR ag do pagpatuman it lockdown sa pilang portion it isla matapos nga sumaka do kaso it nagpositibo sa COVID-19. // SHERRY ANNE REUNIR-VIDAL