CAMARINES SUR- Kalaboso ang isang tourist guide sa reklamong pang-aabuso sa sariling anak at nakuhanan pa ng baril sa Caramoan, Camarines Sur.
Sinabi sa Brigada News FM Naga ni PCAPT. Niel Brijuega , hepe ng Caramoan PNP, nagsumbong sa mga otoridad ang ina ng biktima , sa pagresponde ng PNP naawa sila sa lagay ng dalagita nang makita. Napag-alaman sa biktima na may baril ang kaniyang ama, nakuha naman ng PNP ang armas na may bala.
Ayon pa kay Brijuega una nang ginawa ng pang-aabuso noong nasa elementarya pa lamang ang dalagita. Ang reklamo ay itinanggi ng suspek.
Sa ngayon mahaharap ito sa kasong paglabag sa RA 10591 o “Comprehensive Firearms and Ammunition Regulation Act”. Habang sasailalim rin sa medical examination ang biktima.
Tuloy-tuloy ang kampanya ng PNP upang maiwasan ang pang-aabuso.