LUYO sa pagbutang og mga warning devices sa kurbadang bahin padulong sa Nagpan bridge sa Malungon, Sarangani Province.
Ubay-ubay gihapon nga mga motorista ang nalambigit sa bangga ug sagad miresulta kini sa pagkakalas sa kinabuhi. Ang pamahayag ni Police Lt.Col. Jovenson Bayona, hepe sa Malungon Municipal Police Office mao pagtakilid sa wing van sa lugar.
Ang bangga ang miresulta sa pagkasamaron sa duha katao, asa ang isa ang naipit sa trak human miambok gumikan sa kahadlok sa hitabo. Matud ni Brian Cenia, drayber sa trak nawad-an siya og kontrol sa manubela sa trak nga miresulta sa maong insidente.
Si Cenia ang gikan sa GenSan nga padulong unta sa Panabo, Davao Del Norte karga ang plastic solid waste dihang nahitabo ang bangga. Dugang ni Bayona, wala nagkulang sa warning devices sa lugar ug tun-an karon ang pagbutang og speed limit sa lugar. Sagad usab sa nalambigit sa bangga ang wala nasuta sa terrain sa dalan, hinungdan nga apela niini sa mga motorista nga mahinay sa pagpadagan. I Richel Gubalani