HIMAS rehas ang usa ka tricycle driver human matud pa kini misukol sa usa ka pulis nga nadestino sa Bula police station.
Sa rekord sa presento ang dinakpan giila nga si Jaime Romorosa Jr., alias Jun-jun, 28-anyos, residente sa Purok 8, Lanton, Brgy. Apopong. Gidakop kini alas 11:55 sa buntag, Marso 16 sa Catolico Avenue, Brgy. Lagao.
Sa impormasyon sa Bula police station gipahunong matud pa sa pulis ang driver tungod sa bayolasyon nga walay side mirror iyahang tricycle ug illegal attachment dayon gikuha iyahang lisensya.
Gikuha sab sa pulis ang iyahang susi apan nagdumili kining ihatag, rason nga giposasasan siya apan nawakli niya ang iyahang kamot tungod nagdumili kining magpaposas. Hinungdan nga naglalis na sila, rason nga gibalhog kini.
Pasakaan sumala pa siya sa pulis og kaso nga direct assault. Nangayo kini og pasaylo sa iyahang nahimo, ug nanghinaot siya nga dili na idayon ang kaso tungod adunay siyay mga anak nga nagpaabot sa iyahang pag-uli. I Enamie Mogpon
–