Gin turn-over sa New Washington MPS ru mga kagamitan nga gin aywanan it buntis nga pasahero nga nagpanakaw sa sangka negosyante sa banwa it Kalibo.
Gin komperma sa BRIGADA News FM Kalibo ni Mr. Niel Lachica, sa legal nga edad, tricycle driver ag residente it Brgy. Polo, New Washington, Aklan nga ru suspek nga anang pasahero hay suspek sa pagpanakaw sa sangka negosyante.
Nagpahatud sa Kalibo Public Market ru suspek ag nagpanaog ag nag-eaong sa tricycle driver nga saglit eamang nga manaog ag nagpahueat.
Apang matapos ru pilang inoras hay uwa magbalik rason nga nagparecord sa New Washington MPS ru tricycle driver matapos makita ru pasahero hay gina turong suspek sa pagnanakaw ag presenting naka kulong sa Kalibo MPS.
Nagpadumdpm man si Mr. Lachica nga kung sin-o man ru tag-ana it mga kagamitan hay pweding mabuoe sa nasambit nga Municipal Police Station.//MARIVIC Y. ILIN