PADAYON nga gisuta sa kapulisan ang ilhanan sa usa ka tricycle driver nga nakabangga sa senior citizen sa dalan sa J.Catolico Avenue, Barangay Lagao, mialabay nga adlaw.
Basi sa pamahayag sa 66-anyos nga lola nga residente sa Silway San Juan, Barangay Dadiangas West, naglibod siya og isda atong higayona dihang mabanggaan kini sa tricycle.
Tungod sa kusog nga impact nalagpot ang edaran ug gilayon sab kining gitabangan sa mga residente.
Nabun-og ang iyahang likod ug aduna sab kini bukol sa ulo ug nasamdan ang tiil.
Imbes tabangan tabangan siya sa driver human kini mahatod sa ospital gilayon matud pa misibat ang wala mailhing drayber nga nagapangidaron og 40-anyos.
Naghatag sab og hinabang pinansyal ang TEU sa edaran. Sumala ni PMajor Oliver Pauya, hepe sa buhatan nga ilahang kuhaon ang kopya sa cctv sa lugar ug mag-imbestiga sila sa mga nakakita aron madakpan ang walay puangod nga drayber. I Enamie Mogpon