GIKUMPIRMA sa labaw sa City Permit Division nga human niini gihatagan og taning ang mga peryahan sa paglukat og permit sa city hall tulo na ang nakahuman sa proseso samtang may duha nga wala pa nahuman.
Sa pahayag ni Licensing Officer 4 Geraldine Zamora gikumpirma niini nga naga-comply na sa papelis ang operator sa peryahan sa Barangay Conel, Calumpang ug Apopong samtang ang wala pa nahuman ang South ug sa City Heights.
Gidugang ni Zamora nga niadto usab sa iyang opisina ang operator sa Buayan ug nangutana sa proseso ug iyaha na nga gisultihan sa dapat i- comply.
Ang wala pa naka-comply adtuon pa sa taga Treasurers Office ug Office of Building Officials kon OBO aron masiguro nga safety ang rides ug masuta ang ilang bayrunon.
Kahibaluan nga nakadawat og reklamo ang opisina ni Zamora kalabot sa mga peryahan nga wala nagasunod sa health protocol mao nga ilaha kini nga gi-inspection og nasuta nga walay igong papaelis ang kadaghanan. I Ver Diazon