Gikustodiya sa Bunawan Police Station ang driver sa prime mover truck samtang gipahiluna na ang patay’ng lawas sa tulo ka mga biktima sa nahitabong bangga sa Licanan Brgy. Lasang Davao City duol mismo sa PNP/TF Davao fixed check point, alas- 3:30 kagahapon sa kadlawon, Disyembre 17, 2023.
Ang mga namatay nailhang sila Ernesto Rivas Bernardez, 41, minyo, driver sa close van ug residente sa Purok 7 Bangkas Heights Toril ning syudad, ug ang mga sakay niini nga sila Randy Baclay Calibay, 38, minyo, Helper, nga taga- Sitio Manegga, Datu, Malita, Davao Occidental, ug Mark Anthony C. Bernardez, 26, minyo, helper, ug residente sa 39 Fatima General Santos City.
Sa inisyal nga imbestigasyon sa kapulisan, gisubay sa duh aka mga sakyanan ang Daang Maharlika National Highway gikan south ug padulong kini sa Norte nga bahin.
Pag abot sa lugar diin nahitabo ang aksidente, miliko patoo ang maong truck nga nagsignal light padulong sa parking area.
Apan kalit na lamang nga nibangga ang van sa passenger side sa moang truck, ug gumikan sa impak, patay diha diha dayon ang tulo ka mga biktima.
Gikustodiya na sa Bunawan PNP ang mga nalambigit nga mga sakyanan lakip na ang driver sa truck nga nailang si Irenio Espantalion Gealon, 50 anyos, ug residente sa Prk. 9 Jocel New Visayas Panabo City.