NAGTUO ang pipila ka tuna player sa GenSan nga ‘sunset’ industry na ang fishing.
Kini dungan sa mga hagit nga giatubang sa industriya sama na lang sa padayong usbaw sa produktong petrolyo, asa 80% sa operasyon sa panagat ang nanginahanglan og krudo. Gawas niini, problema ang nagkanihit sa makubit nga isda sa mga fishing ground ug kung mopalayo pa mosamot og saka ang expenses.
Matud ni Konsehal Vandyke Congson, chairperson sa komitiba sa fisheries sa konseho ug tag-iya usab og panagatan sa GenSan. Kung dili makaabli og dugang fishing ground alang sa mga mananagat ug mahan-ay ang pipila ka regulasyon sa pagpanagat, ang nihit ang mopadayon. Sa karon, naa sa ‘survival’ period ang industriya asa daghan na ang nag-downsize sa operasyon samtang dunay uban gipaligya na ang panagatan.
Sa bahin ni Nazario Briguela, tigpamaba sa Bureau of Fisheries and Aquatic (BFAR) gitakda na ang bounderies tali sa Pilipinas ug Indonesia. Gilatag na usab ang mga guidelines aron makahimo og operasyon ang Philippine- flagged fishing vessels sa coastal state.
Nagsugod ang pagnihit sa industriya partikular sa GenSan mao ang pagsarado sa bilateral agreement sa Indonesia nga constant partner sa nasud sa fishing industry. I Richel Gubalani