MUKABAT sa 40% ang pag-usbaw sa ihap sa mga tourist arrivals SA GenSan sa unang kwarter sa kasamtangang tuig 2022 kung ikompara nakalabay nga tuig 2021 tungod sa gisagubang nga krisis mahitungod sa mga travel restrictions sa paglikay sa COVID-19 pandemic kana base sa datos gikan sa CEMCDO Gensan.
Malaumon matud pa ang Tourism Council nga mas mutaas pa ang porsyento sa turismo sa siyudad tungod sa mga naka-line up nga mga aktibidad. Sumala pa ni Eliedoro Alcaya Jr. sa CEMCDO nga sa bulan sa Hunyo sa unang higayon sa Mindanao ang ‘Man of the Philippines’ nga usa ka national pageant for men ug gipili nga ipahigayon dinhi sa Gensan.
Sa bulan gihapon sa Hunyo ipahigayon ang Media Conference nga tambungan sa gibana-banaang 2,500 ka mga delegado ug ang 3-day convention sa mukabat sa 300 ka mga pari.
Base sa pagpanubay sa tourism council sa siyudad nasuta nga kadaghanan sa mga resorts sa Gensan ang naka-fully booked na.
Kini ang hinungdan nga dili matud pa layo ang posibilidad nga mas mutaas pa ang tourist arrival nga makahatag usab og paglambo sa ekonomiya sa dakbayan. I MJ Fernandez