LEZO,AKLAN—Naga balor it P550K nga street value ru nabuoe sa High Value Target (HVT) ssa gin himo nga drug by bst operation it gin bilog nga pwersa it PDEA Region VI, Aklan Provincial Police Office, PDEA VI-Capiz, PDEA VI Western Visayas ag Lezo MPS.
Gin himo ru operasyon sa baeay it mga suspek sa Sitio Banlok Brgy. Sta. Cuz-Bigaa, Lezo, Aklan.
Nakilala ru mga raya nga sanday Carl Tolentino y Martin, 36 anyos ag residente it Brgy. Manoc-manoc Boracay, Malay, Aklan; Clark Tolentino y Martin Alyas Putot, 33 anyos, residente it Sta. Cruz, Biga-a, Lezo, Aklan ag Lorelyn Tolentino, 33 anyos.
Nakumpiska sa mga raya ru 1 heat sealed transparent plastic sachet nga may 5 grams nga gina bana bana nga naga-abot sa P30K; 17 heat sealed transparent plastic sachet nga may 55 grams nga gina bana-banang sa P550K; ag 7 transparent plastic sachet nga may residue.
Naga-abot sa P30K nga buy bust money, disposable lighters, coin force, aluminum foil, improvised water pipe, improvised tooter ag iba pang drug paraphernalia.
Maga pangatbang it kasong pag-eabag sa Republic Act 9165 o Comprehensive Dangerous Drugs Act of 2002 ru mga suspek.//MARIVIC Y. ILIN