Nagaabot sa P1,740,000 ro estimated damages sa natabo nga sunog sa Sitio Hagachac, Brgy. Baybay, Makato ku January 3, 2024.
Sa interview it BRIGADA NEWS FM KALIBO kay FO2 Raymund Luce ng BFP-Makato, ro nasunog nga 1-storey residential bungalow hay ginapanag iyahan ni Danilo ag Juanita Toriaga.
Totally burned ro nasambit nga baeay ag nasunog raya sa kasagsagan it brownout sa Panay island kaeakip ro probinsya it Aklan.
Samtang, padayun gihapon nga ginaimbestigahan ro matuod nga ginhalinan it sunog. // ANN DESLENE SALAZAR