Padayun ro ginahimo nga imbestigasyun it Kalibo MPS kaangot sa pagbuno-patay sa sangka babaye nga tag ana it sari-sari store sa Crossing Buswang St., Kalibo.
Suno sa pila ka na-interview it BRIGADA NEWS FM KALIBO, mabuhay eon nanda nga ginahambaean ro biktimang si Marissa Flores, 49 anyos nga indi magbaligya it gabii bangud delikado.
Owa man segun it kaibahan o alalay ro biktima sa anang sari-sari store ag sa kamatuoran hay hasta makarun, owa pa it nagaagto nga igbata kara.
Matandaan nga ro biktima hay nag angkon it maabung nina sa eawas rasun it kamatayun kara.
Ginapatihan nga nagsukoe pa ro biktima base man sa mga nina kara nga naangkon.
Base sa cctv, nakita ro daywa ka suspek nga sakay it motorsiklo nga madasig nga nagpaeagyo matapos ro kremin.
Nasayuran nga owa man it natakaw sa sari-sari store it biktima.
Ginaimbestigahan man ro pila ka ginpaabot nga reklamo sa barangay it biktima kung siin, kaeakip eon kara ro owa pagkaintindihan sa tunga nana ag ku anang customer. // ANN DESLENE SALAZAR