Aminado sa krimen ru suspek sa pagpatay sa sangka OFW sa Brgy. Pusiw, Numancia, Aklan.
Naaresto ru suspek nga si Emilito Alapag, sa legal nga edad, ag residente it Brgy Bakhaw Norte, Kalibo, Aklan matapos magbaligya it tinakaw nga cellphone nga gina panag-iyahan it biktima.
Gin alok sigun it suspek ru cellphone sa pilang ka mga tricycle driver sa Roxas Ave. Kalibo ag tuman ka kibot it impormante nga babaye ru nakitang wallpaper ag eaeaki ru naga baligya kara.
Nagpangutana ru impormante kun ano na ru babayeng sa wallpaper ag suno sa suspek hay ana ang asawa.
May naka bakae eon sigun sa cellphone apang gin kombensi it impormante nga imaw lang ru mabakae sa balor nga P1,500.
rason ng aimaw lang ru gin baligyaan it cellphone.
Ikara gin check it impormante ru gallery it gin baligya nga cellphone ag ikara nakita na rum mga litrato it biktimang Analyn Rembulat , 59 anyos ru babaye pinatay sa seod it panimaeay nga sangka OFW.
Eaging gin report sa Punong Barangay nga si Allan Rose ag dayon gin impormahan ru Numancia MPS sa pagka aresto it suspek.
Presenting sa kustodiya eon it Numancia MPS ru suspek ag nasayuran nga may nauna eon nga kaso it pagpanakaw ru suspek.//MARIVIC Y. ILIN