Nagpositibo sa drug test ro van driver nga nadakpan it illegal nga droga sa ginkasa nga drug buy bust operation sa may R. Roldan St., Kalibo, Aklan ku nagtaliwan nga adlaw.
Ginkilaea ro van driver nga si Mike Zonio, 40 anyos ag residente it Brgy. Cerudo, Banga, Aklan.
Base sa kumpirmasyon it PDEU Aklan, nagpositibo ro suspek sa methamphetamine hydrochloride o mas kilaea sa tawag nga “shabu”.
Matandaan nga nadakpan si Zonio it PDEU Aklan ag Kalibo PNP kung siin nabuoe kana ro sangka sachet it suspected shabu ag P1,500 nga buy bust money.
Nabuoe pa ro dugang nga tatlong sachet sa suspek nga nakabutang sa kaha it sigarilyo nga ginaboebanta nga nagabalor it P27,000 to P50,000.
Maga pangatubang ro suspek sa kasong pag eabag sa RA 9165 o Comprehensive Dangerous Drugs Act of 2022. // ANN DESLENE SALAZAR