DAKPAN sa operasyon sa kapulisan ang usa ka massage therapist Disyembre 26 sa gabii.
Subay sa talaan sa San Isidro PNP nagpahigayon sila og buy bust operation pasado alas 6 sa gabii ug ang subject usa ka babaye nga nagatrabaho isip massage therapist, nagpuyo sa Doña Soledad, Barangay Labangal.
Nagmalampuson sumala pa ang poseur buyer sa pagpalit ug usa ka putos sa gidudahang shabu kantidad usa ka libo ka pesos.
Gumikan niini gidakop si alyas Nina, 29-anyos unya gidala sa estasyon alang sa husto nga disposasyon.
Nakuha sa posisyon ni alyas Nina ang 0.03 grams nga suspected shabu, usa ka cellphone ug cash. Ver Diazon