PABILING babag sa immunization program sa health sector sa rehiyon-12 ang misinformation ug disinformation.
Giangkon ni Dr. Edvir Jane Montañer, immunization program manager sa Department of Health (DOH) Region 12, daghan pa og trabahoon ang rehiyon.
Aron makab-ot ang target nga 95% sa mga bata ang mahimong fully vaccinated sa tanang routine vaccines.
routine vaccination ang gilangkuban sa BCG alang sa tuberculosis, hepatitis B, pentavalent sa diphtheria, pertussis, tetanus, influenza B, oral ug inactivated polio vaccine, pneumococcal vaccine alang sa pneumonia ug meningitis lakip ang MMR (measles, mumps and rubella).
Dugang ni Montañer nga hagit kanila ang pagduha-duha sa pagpabakuna tungod sa mali nga impormasyon ug isyu sa cultural ug religious beliefs. Ang rehiyon ang nakatala og 63.32 percent immunization coverage sa mga bata gikan 2017 – 2022 base sa DOH-12’s 2022 Field Health Services Information System report.
Atong 2022, ang immunization coverage nga naa lang sa 55.37 percent. Ang Soccsksargen ang gilangkuban sa probinsiya sa South Cotabato, Cotabato, Sultan Kudarat, Sarangani, ug siyudad sa GenSan, Koronadal, Tacurong ug Kidapawan. I Richel Gubalani