NAGPADAYUN ang pagpabakuna sa mga anaa sa priority list sa vaccination roll out batok COVID-19 sa mga malls.
Kini human giklaro sa LGU-GenSan nga dili apektado ang vaccination roll-out sa mga mall sa GenSan ug kinahanglan kining magpadayun.
Sa talaan sa City Health Office mokabat sa 1,158 gikan sa 2,179 ka mga senior citizen sa GenSan ang nabakunahan na sa second dose gamit ang AstraZeneca vaccine.
Samtang anaa usab sa 4,509 gikan sa kinatibuk-ang ihap nga 7,891 ka mga healthcare workers ang nabakunahan na sa second dose gamit ang AstraZenenca vaccine.
Sa kinatibuk-ang 4,017 ka mga senior citizens, mokabat sa 1,127 ang nabakunahan sa second dose gamit gihapon ang usab ang AstraZeneca vaccine.
Anaa na usab sa 78.58% kun 7,891 ka mga healthcare workers ang naturukan na og first dose sa AstraZeneca vaccine
Samtang 18.15% kun 5,333 ka mga senior citizens ang naturukan na sa first dose.
Gibutyag usab ni Dr. Jett Oco, labaw sa City Health Office nga aduna gihapoy uban nga mahadlok mabakunahan luyo nga kanunay nilang ginasulti nga luwas ang bakuna.
Sa pagkakaron, dugang ni Oco nga walay gika-report kanila nga nakasinati og severe negative adverse event sa mga nabakunahan sa GenSan.
Photo courtesy of the city government