Gindayaw ni Valenzuela Mayor Wes Gatchalian si Kalibo Mayor Juris Bautista Sucro bangud sa inisyatibo kara nga insigidang aksyon para masalbar ro 12 anyos nga unga nga babaye nga ginasugid nga ginamaltrato it anang amo nga pulis.
Raya ro ginpaabot ni Mayor Gatchalian sa ginpatigayun nga Press Conference kainang agahun matapos nga eubusan nga magkita ro unga ag ina kara sa Bahay Kalinga sa Valenzuela City.
Matandaan nga nagpangayo it bulig ro ina nga sangka Person with Disability (PWD) ngani gin-rescue it LGU-Kalibo sa pagpamuno ni Kalibo Mayor Juris Sucro, MSWDO Staff ag media sa Aklan ro 12 yo nga unga.
Magapadayun man ro counselling sa unga bangud sa naeksperiensyahan kara.
Samtang, nataeana nga mag uli hin aga nga adlaw ro unga iya sa Aklan. // ANN DESLENE SALAZAR