KALIBO,AKLAN—Naaresto ru van driver matapos mabilhan ng suspected shabu sa R. Roldan St., Kalibo Aklan kahapon it hapon.
Gin komperma ni PMAJ Frenzy Andrade it PDEU-Aklan nga nakilaea ru subject person nga si Mike Zonio, 40 anyos ag residente it Brgy. Cerudo Banga, Aklan.
Nabue-an it 3 sa sachet it suspected shabu si Zonio nga kaha it sigarilyo.
Naga balor it P27K ru suspected shabu matapos sa gin himo nga body search it gin sanib nga pwersa it Provincial Drug Enforcement Agency (PDEA) ag operatiba it Kalibo MPS.
Madasig nga dumaeagan paeayo sa lugar ru subject person matapos mapansing intel eon it pulis run aka atbang kara.
Rason nga linagas it mga pulis hasta sa sueod it sangka panimaeay ag ijara gin himo ru imbistigasyon ag inventory sa mga gin buoe sa subject person.
Eagi man nga gin paidaeom sa drug test sa Crime Lab sa probinsya’t Capiz ru subject person ag gina hueat pa ru resulta.
Suno sa pulis, mabuhay eon nga gina monitor ru subject person rason nga nag-angkon it surveillance. //MARIVIC Y. ILIN