KALIBO,AKLAN—Nakoryente ru sangka van driver matapos nga aksidenting masaeawig ru wire ag umigo sa liog ag sumunggo sa service drop it AKELCO sa Brgy. Bakhaw Sur, Kalibo.
Raya ru rason nga natumba ru biktima nga si Malvin Mationg, 55 anyos ag residente it Purok 2 C. Laserna St., Kalibo, Aklan sa gina manehong motorsiklo.
Halin sign ru biktima sa grahehan it gina manehong van bago matabo ru aksidente.
Naka angkon it lastro sa parte it kaeawasan ru biktima.
Ma swerte man nga una sa lugar ru mga estudyante it sangka pribadong eskwelahan rason nga gin rescue ru biktima pinaagi sa kahoy hasta nabuoe ru wire.
Eagi man nga gin respondehan it Kalibo MPS ru aksisdente, BFP-Kalibo ag MDRRMO agud daehon sa hospital ru biktima.//MARIVIC Y. ILIN