LEGAZPI CITY – Planong i-regulate an paggamit nin vape sa syudad nin Legazpi asin isabay na sa Smoke-Free Ordinance.
Segun kay City Health Officer Dr. Fulbert Gillego sa intrevista kan Brigada News FM Legazpi, sa ngunyan, pighahalat na sana ninda an approval kan probinsya manungod digdi.
Obheto su boot kan pag-regulate nin vaping na baguhon pig-iisip kan mga kajovenesan na an vape, maray na alternatibo sa pagsisigarilyo.
Tinawan-duon ni Gillego, saro ining deception sa mga kaakian nganing maggamit nin vape.
Apwera kaini, siring kan ordinansa sa pagsisigarilyo, tuyo man kaning protehiran an mga non-vape users.
Segun pa kay Gillego, igwa ining pigluluwas na vape juice na makakaapektar sa mga makakasangab kaini.
Kaya, dapat su boot i-regulate an vape sa mga pampublikong lugar asin sa mga vulnerable sectors siring kan mga bados, senior citizens, asin persons with comorbidities.