Vietnam, bumuo ng vaccine fund sa gitna ng pinakamalaki nitong COVID-19 outbreak

Inaprubahan ng gobyerno ng Vietnam ang pagbuo sa special fund para sa kampanya ng bansa na magkaroon ng epektibong vaccination program laban sa COVID-19.

Ito ay sa gitna ng patuloy na paglaban ng naturang bansa sa pinakamalaking COVID-19 outbreak na naranasan nito.

Sinabi ng Vietnam government na gagamitin ang pondo sa procurement, production, at paggamit ng mga bakuna.

Hindi naman binanggit ng Vietnam kung gaano kalaki ang nasabing pondo, ngunit inihayag ng Finance Ministry noong nakaraang linggo na plano ng Vietnam na maglaan ng 1.1-million dollars para makapag-acquire ng 150-million COVID-19 vaccine doses para sa kanilang populasyon.

Nitong Miyerkules ay naiulat ng Ministry of Health ang 235 na bagong COVID-19 infections, na dahilan ng pagtaas ng kabuoang bilang ng mga kaso sa Vietnam sa 6,086 kabilang na ang 45 nasawi.

Leave a Reply

Your email address will not be published. Required fields are marked *