WALA pa’y natala nga damyos sa agricultural crops sa rehiyon dungan sa pagkasinati og tumang kainit gikan milabay nga semana.
Matud ni John Pascual, acting Department of Agriculture (DA) 12 Regional Executive Director, wala pa sila’y nadawat nga report gikan sa lokal nga panggamhanan kalabut sa naguba nga mga tanum. Wala pa usab nagsumite og hangyo og tabang dungan sa epekto sa nasinatiang tumang kainit. Apan giangkon ni Pascual nga dunay parte sa Soccksargen ang nakasinati karon og walay pag-ulan ug hilabihang kainit.
Luyo sa ulahing deklarasyon sa Pag-Asa nga nagsugod na sa paghinay ang ang El Nino phenomenon sa tibuok nasud. Sa karon, gilaoman sa DA-12 ang tumang kainit karon tandi sa mga makalabay’ng tuig.
Samtang base usab sa historical, labing masinatian ang tumang kainit sa sarangani ug GenSan, dugang ni Pascual. Ang Soccsaksargen ang gilangkuban sa mga probinsiya sa South Cotabato, Cotabato, Sultan Kudarat ug Sarangani, lakip ang siyudad sa GenSan, Koronadal, Tacurong ug Kidapawan. I Richel Gubalani