Ginlalauman na han mga taga San Roque-Scandinavian nga magagamit na nira an Modern Units han Public Utility Vehicles mahuman an launching hini nga ginpangunahan ni LTFRB Regional Director Gualberto N. Gualberto, ngan mga tinaglawas han Landbank, Cooperatives Development Authority, ngan pira pa nga mga stakeholders.
Ini in kun diin walo nga PUVs an mabiyahe nga mayada ruta nga Anibong, EVSU/LNHS, Real, Justice, Merkado nga tipakadto ha Brgy. San Roque.
Ginlalauman nga makakabulig an kadugangan nga walo nga PUVs ha mga residente labi na nga kulang an nabiyahe nga multicab ha nasabi nga baranggay.
Mababaruan nga gindumara an launching han mga modern PUV’s dida han Mayo 28 kun diin umatindir mismo hi Brgy. 100 Chairman Jelito V. Dela Cruz ngan Brgy. 99 Chairman Mario N. Escarlan, ngan Roswell Garcia, Chairman han San Roque Scandinavian Transport Cooperative (SRSTC).
Presente gihapon ha mao nga aktibidad an Private Sector sugad hiton Leyte Lending Center, Durabuilt Motors Inc., ngan an JourneyTech Inc.