LEGAZPI CITY – Arestado an sarong lalaki na wanted sa kasong Frustrated Homicide sa Brgy. Inarado, banwaan kan Daraga.
Binisto ining si alyas “Elfrance”, 59 anyos, may agom asin residente kan nasambit na lugar.
Sa isinagibong manhunt operation kan Legazpi City Police Station, naarestar an akusado sa kusog kan mandahamiento de aresto na primado pa kan Marso 20, 2015 para sa naunambitang kaso.
Nasa PHP24,000 an piyansang inirekomendar kan korte para sa saiyang temporamenteng libertad.
Presenteng nasa kustodiya kan nasambit na hepatura para sa magkakanigong disposisyon. | Brigada Intern EUGENE ROTIAN