LEGAZPI CITY – Arestado sa banwaan kan Guinobatan, Albay an sarong lalaki na wanted sa kasong may kinaraman sa iligal na pagsusugal alas 10:20 nin pagkaaga kasuudma.
Sa report, naarestar ini kan tracker team kan Guinobatan Municipal Police Station kaibahan an 1st Albay PMFC sa kusog kan mandahamiento de aresto para sa kasong pagbalgar sa Section 1 (A) (1) kan Presidential Decree No. 1602.
Maabot man sa PHP30,000 an piyansang inirekomendar kan korte para sa saiyang temporamenteng libertad.
An akusado, presente nang nasa kustodiya kan nasambit na hepatura para sa magkakanigong disposisyon.