DAKPON ang traysikel nga mamasaherong walay mapakita nga prangkisa, kini ang subling gipaklaro sa kapulisan.
Matud ni Police Major Oliver Pauya, labaw sa Traffic Enforcement Unit (TEU) sa GenSan City Police Office (GSCPO) angayang sundon sa mga drayber ang ordinansa sa siyudad kalabut sa saktong pletehan.
Una nang, gibutyag ni Atty. Jong Gonzales, labaw sa Public Safety Office nga i-block list ug dili na hatagan og prangkisa ang mga kulorum nga masakpan nga wala musunod sa pahimangno.
Mao usab ang silot sa mga dunay prangkisa nga pakyas makasunod ug makaangkon og fare matrix sa ilang traysikel.
Sa ordinansa ang pletehan sa siyudad ang naa P15 sa unang upat ka kilometro samtang P1 ang bayaran sa sunod nga kilometro.
Sa pamahayag usab ni Konsehal Dominador Lagare Jr, chairperson sa komitiba sa transportasyon kini ang tubag sa reklamo kalabut sa pakyawan system.
Nakonsidera usab ang tanan sama sa presyo sa gasolina ug gastos sa spare parts bag-o naaprubahan ang taripa. I Richel Gubalani