Kaeakip ro Western Visayas sa bilog nga nasyun nga sentro it covid-19 base sa OCTA Research Group.
Bangud sa pagtaas it kaso it nasambit nga virus, gin-engganyo ni Iloilo City Mayor Jerry Treñas ro mga lokal nga gobyerno sa rehiyon ag ibang sektor it komunidad nga magbueoligan agud matapna ro pandemya.
Ginpaabot man nana ro anang panawagan para sa mas maabung mga bakuna, mas maabung hospital bed, mas maabung medical personnel ag maabung mga ventilators ag bueong para sa covid.
Base sa OCTA, ro Western Visayas hay napabahin man sa syudad it Davao ag National Capital Region (NCR) Plus bilang mga sentro it covid-19. / ANN DESLENE SALAZAR