Gitakdang pasakaan sa kasong reckless imprudence resulting to multiple physical injury and damage to property ang driver sa usa ka wing van truck nga mibangga sa duha ka panimalay diha sa Sitio Balaon, San Isidro, Talakag Bukidnon kagahapung adlawa.
Sumala ni Talakag Investigator Police Staff Sgt. Neil Galve nga nawad-an og brake ang driver nga si Cesar Sunto Jr. hinungdan nga migamba kini sa usa ka target nga lugar apan tungod sa kakusog sa dagan didto kini nipaingon sa panimalay nga gipanag iyahan ni Roderico Sayatao.
Muabot sa 13 ka indibidwal ang nasamdan sa maong insidente ug 7 niini ang mga menor de edad lakip na ang usa ka bag ong himugso nga bata.
Hinoon, luwas man sa delikadong sitwasyon ang mga biktima apan 3 kanila ang i-refer sa usa ka ospital dinhe sa Cagayan de Oro.