Bisan may mga insidente nga narekord angut sa pagpa-eupok, naging mahilway ro selebrasyon it bag-ong dag-on sa Western Visayas halin Disyembre 31, 2021 hasta Enero 1, 2022, base sa Police Regional Office 6 (PRO-6).
Base sa datos it PRO-6, uwa it nairekord nga mga kaso nga gintamaan it stray bullets.
Uwa man it mga kapulisan o traffic enforcer nga nasangkot sa iligal nga pagpaeupok it andang armas ku holiday season.
Pero bago matapos ro dag-on 2021, nadakop ro 32-anyos nga si Marlon Dela Cuesta it Barangay Tuburan, Maayon, Capiz sa Barangay San Agustin, Iloilo City.
Narekober sa anait mga otoridad ro sambilog nga .45 pistol ag pito ka basyo it bala.
Nagapangatubang si Dela Cuesta sa kasong alarm and scandal ag pageapas sa Republic Act (RA) 10591 (Comprehensive Firearms and Ammunition Regulation Act) bangud sa pag-angkon it indi lisensyado nga baril.
Dugang pa dikara, base kay PRO-6 spokesperson, Police Lieutenant Colonel Arnel Solis, nagnaba ro total crime incidents it rehiyon (TCI) kumpara sa holiday celebration ku 2019./JIL B. LACSON