𝗣𝗔𝗚𝗞𝗨𝗠𝗣𝗜𝗦𝗞𝗔 𝗦𝗔 𝗠𝗚𝗔 𝗠𝗢𝗧𝗢𝗥𝗦𝗜𝗞𝗟𝗢 𝗡𝗔 𝗪𝗔𝗟𝗔𝗡𝗚 𝗞𝗔𝗨𝗞𝗨𝗟𝗔𝗡𝗚 𝗗𝗢𝗞𝗨𝗠𝗘𝗡𝗧𝗢, 𝗠𝗔𝗛𝗜𝗚𝗣𝗜𝗧 𝗡𝗔 𝗜𝗣𝗔𝗣𝗔𝗧𝗨𝗣𝗔𝗗 𝗡𝗚 𝗣𝗡𝗣 𝗜𝗦𝗔𝗕𝗘𝗟𝗔

Binigyang diin ng PNP Isabela sa kanilang command conference kamakailan na mahigpit nilang ipatutupad ang pagkumpiska sa mga motorsiklong hindi rehistrado, maging sa mga nagmamaneho na wala sa hustong gulang o mga walang kaukulang lisensiya

Kaugnay nito, tinalakay din sa naturang command conference ang mga Road Safety Awareness and Enforcement of Laws na dinaluhan din ni Ret. PBGEN Jimmy Uy Rivera Sr., ang dating Provincial Director ng Isabela PPO, at siyang Public Safety Consultant/Adviser ng Lalawigan ng Isabela na nagbahagi ng kaniyang kaalaman sa Road Safety and Security.

Bukod sa dating IPPO PD, dinaluhan din ang naturang conference nina G. Kim G Agbayani, Provincial Safety Officer ng Lalawigan ng Isabela, kabilang ang IPPO Command and Staff , Chiefs of Police, at Mobile Force Commanders.