Gumuho ang lumang gusali ng Cagayan Economic Zone Authority sa Sta. Ana, Cagayan kahapon matapos ang nararanasang malakas na hangin bunsod ng bagyong Betty.
Sa nakuhang impormasyon ng 92.9 Brigada News FM Cauayan sa Cagayan Police Provincial Office, dakong ala-1:48 kahapon ng gumuho ang CEZA paper milling building.
Una rito ay nagsasagawa umano ng inspeksyon ang naka-duty na security guard sa lugar nang gumuho ang gusali kung saan sinasabing bumigay ang gusali dahil s amalakas na hangin dulot ng bagyong Betty.
Dahil dito ay napinsala ang mga kagamitan na nasa loob ng gusali kung saan kinumpirma ni Jaybee Jolo Tumaneng, empleyado ng CEZA na tinatayang humigit-kumulang sampung milyong piso ang halaga ng pinsala.