SUBLING miapela ang health authorities sa GenSan sa mga residente nga batasanon ang pagpanglimpyo sa palibot.
Kini dungan sa pagsaka na sa ihap sa dengue case sa siyudad sa 499 o 7% higher tandi nakalabay’ng tuig sa susamang panahon samtang usa ang namatay.
Matud ni Dr. Karl Igrobay, assistant department head sa City Health Office (CHO) sa namatay sa dengue mas ubos ang ihap karon tuiga tandi sa duha ka namatay nakalabay nga tuig.
Nagpakita sumala pa kini sa gihimong lakang sa health officer aron masiguro nga makonhuran ang kaso sa makamatay nga dengue sa GenSan.
Mga dagko o most populated barangay gihapon sa GenSan ang nakatala og mas daghang kaso sa dengue sama sa Barangay Calumpang. I Richel Gubalani